კოლეჯი „ჰორიზონტი“,ინკლუზიური განათლების სპეციალისტის ინიციატივითა და ადმინისტრაციის ჩართულობით, 13 ივნისს გამართავს ღონისძიებას, რომელიც მიეძღვნება შეზღუდული შესაძლებლობის მქონე პირთა უფლებების დაცვის დღეს. 

ღონისძიების მიზანია: • საზოგადოების ცნობიერების ამაღლება შეზღუდული შესაძლებლობის მქონე პირთა უფლებების შესახებ;

• თანასწორი შესაძლებლობების მხარდაჭერა;

• სსსმ/შშმ პროფესიული სტუდენტების ჩართულობის გაძლიერება;

ღონისძიების ფარგლებში დაგეგმილია:

• თემატური პრეზენტაციები და დისკუსიები;

• სახალისო აქტივობები პროფესიული სტუდენტების მონაწილეობით;

• წარმატებული გამოცდილების გაზიარება — შშმ პირების ისტორია დაბრკოლებების დაძლევისა და საზოგადოებაში ინტეგრაციის შესახებ; 

ჩვენ გვჯერა, რომ განათლებისა და თანამშრომლობის გზით შესაძლებელია საზოგადოების დამოკიდებულებების შეცვლა და თანასწორი, მხარდაჭერაზე ორიენტირებული გარემოს შექმნა თითოეული ადამიანისათვის.  გეპატიჟებით კოლეჯის პროფესიულ სტუდენტებს, პროფესიული განათლების მასწავლებლებს, მშობლებსა და საზოგადოების წარმომადგენლებს, რომ შემოგვიერთდეთ და ერთად გამოვხატოთ თანადგომა, სოლიდარობა და მხარდაჭერა!