კოლეჯი "ჰორიზონტი"

კოლეჯი „ჰორიზონტი“ განახლებული მისია, ხედვა და ღირებულებებით!

კოლეჯი „ჰორიზონტი“, როგორც გურიის რეგიონში ერთადერთი მრავალპროფილური პროფესიული საგანმანათლებლო დაწესებულება, აგრძელებს განვითარების კურსს და წარმოგიდგენთ განახლებულ მისიას, ხედვასა და ღირებულებებს!

მისია

ა(ა)იპ კოლეჯი „ჰორიზონტის“, როგორც გურიის რეგიონში ერთადერთი მრავალპროფილური პროფესიულ საგანმათლებლო დაწესებულების, მისიაა, თანამედროვე ინოვაციური სწავლების მეთოდების დანერგვით, მაღალკვალიფიციური პერსონალის და შრომის ბაზრის მოთხოვნების გათვალისწინებით, პროფესიისთვის აუცილებელი ცოდნის მიღებით და პრაქტიკული უნარჩვევების გამომუშავების გზით უზრუნველყოს კონკურენტუნარიანი, კვალიფიციური სპეციალისტების მომზადება, რაც თითოეულ პროფესიულ სტუდენტს / მსმენელს მისცემს საკუთარი შესაძლებლობების გამოვლენის, კარიერული წინსვლის და დასაქმების საშუალებას, უზრუნველყოფს მათ პროფესიულ თვითრეალიზაციას და საზოგადოებაში დამკვიდრებას. რაც გურიის რეგიონის და ზოგადად ქვეყნის ეკონომიკური განვითარების წინაპირობაა

ბიზნეს სიმულაციური თამაში კოლეჯი ,,ჰორიზონტის" პროფესიული სტუდენტების მონაწილეობით

10 მარტს ოზურგეთის ტექნოპარკში გაიმართა სამეწარმეო ბიზნეს-სიმულაციური როლური თამაში, რომელიც პროფესიული უნარების სააგენტოს დაფინანსებითა და კოლეჯი „განთიადის“ ორგანიზებით განხორციელდა. აქტივობაში კოლეჯ „ჰორიზონტის“ პროფესიული სტუდენტები და პროფესიული მასწავლებლები აქტიურად მონაწილეობდნენ, რადგანაც პროექტში კოლეჯი ,,ჰორიზონტიც” იყო ჩართული.

რა იყო თამაშის მთავარი მიზანი?

სამეწარმეო ბიზნეს-სიმულაციური თამაში პროფესიულ სტუდენტებს საშუალებას აძლევდა, თავი მოესინჯათ ბიზნესის მართვაში, ემუშავათ გუნდურად და რეალურ პირობებში მიეღოთ მნიშვნელოვანი გადაწყვეტილებები.

მონაწილეებმა მოირგეს სხვადასხვა როლები – იყვნენ მენეჯერები, მარკეტინგისა და ფინანსების სპეციალისტები, სტრატეგიული დაგეგმვის ხელმძღვანელები და სხვა.

კოლეჯი ,,ჰორიზონტის” პტოფესიულმა სტუდენტებმა საოცარი უნარები გამოავლინეს! აღსანიშნავია, მათ შესანიშნავად მოირგეს თავიანთი როლები და მთლიანად ჩაერთვნენ პროცესში. ისინი აქტიურად განიხილავდნენ ბიზნეს-სტრატეგიებს, ახდენდნენ ბაზრის ანალიზს, მუშაობდნენ გაყიდვებზე და მოგების მაქსიმიზაციაზე.

მოკლევადიანი პროგრამა ,,კერძების მომზადება სხვადასხვა ტექნოლოგიური მეთოდით" დასრულდა

კოლეჯი ,,ჰორიზონტის” მოკლევადიანი პროგრამის ,,კერძების მომზადება სხვადასხვა ტექნოლოგიური მეთოდით“ მსმენელებმა, დღეს წარმატებით ჩააბარეს საბოლოო გამოცდა!

მათ მოამზადეს უგემრიელესი აპეტაიზერები, ძირითადი კერძები, დესერტები , ცომეული და ამ პროცესში საკუთარი კრეატიულობა და კულინარიული ცოდნა სრულად გამოავლინეს.

ვიდეოში თავად მსმენელები გვიზიარებენ პროგრამის ფარგლებში მიღებულ გამოცდილებას, ხოლო კადრებში მათ შრომას და შემოქმედებას იხილავთ.

ცოდნა, გამოცდილება, სრულყოფილი შედეგი – ამ ყველაფერის მიღწევა მოკლევადიანი პროგრამების ფარგლებში სწორედ ,,ჰორიზონტშია” შესაძლებელი.

თუკი გაინტერესებს კულინარია, მოგწონს გემრიელი კერძების მომზადება აუცილებლად შემოგვიერთდი!

სასწავლო პროცესის შეჩერების შესახებ

ამინდის მკვეთრი გაუარესების გამო, დღეს, 24 თებერვალს, კოლეჯ ,,ჰორიზონტში”, სამივე ლოკაციაზე , სასწავლო პროცესი არ განხორციელდება. განახლებულ ინფორმაციას მოგაწვდით ეტაპობრივად.

ჯანმრთელობას გისურვებთ ყველას !