კოლეჯი "ჰორიზონტი"

: 08 January 2024

კოლეჯ ,,ჰორიზონტში" ახალგაზრდული კლუბის წევრებმა ღონისძიება მოაწყვეს

კოლეჯ ,,ჰორიზონტში” ახალგაზრდული კლუბის ,,ჰეკადემიის” წევრებმა სახალწლო ღონისძიება მოაწყვეს. პროფესიულმა სტუდენტებმა განვლილი 2023 წელი შეაჯამეს და ახალი წლისთვის თავიანთი სურვილები გაუზიარეს ერთმანეთს. ღონისძიებაზე ,,ჰეკადემიელებმა” სტუმრებს მუსიკალური, საგანმანათლებლო და სხვადასხვა სახის სახალისო ნომრები შესთავაზეს.

შეხვედრა კოლეჯი ,,ჰორიზონტის” დირექტორმა, ქალბატონმა ნანა ჯოლიამ შეაჯამა, პროფესიულ სტუდენტებს ახალი წელი და სასწავლო პროცესის განახლება მიულოცა.

: 06 January 2024

გილოცავთ შობას!

კოლეჯი ,,ჰორიზონტი” შობის დღესასწაულს ულოცავს ყველას, ვინც მას 7 იანვარს აღნიშნავს.

ქრისტიანულ სამყაროში იესო ქრისტეს შობა განსაკუთრებული დღესასწაულია - ეს დღე არის მშვიდობის, სიკეთის, სიყვარულის, გაერთიანებისა და უკეთესი მომავლის იმედის სიმბოლო.

კიდევ ერთხელ გილოცავთ, ჯანმრთელობას, ულევ სიხარულსა და სიკეთით სავსე ცხოვრებას გისურვებთ!

: 29 December 2023

წარმატებული 2023 წლის მოკლე შეჯამება

2023 წელიკოლეჯი ,,ჰორიზონტისთვის“ საკმაოდ ნაყოფიერი და წარმატებული წელი აღმოჩნდა. ჩვევნი გუნდი- პროფესიული სტუდენტები, პროფესიული განათლების მასწავლებლები, ადმინისტრაციის წევრები, დაუღალავად შრომობდნენ, როგორც აკადემიური შედეგების გაუმჯობესებისთვის ისე, არაფორმალური განათლების დანერგვისა და ადგილობრივი თემის უფრო მეტად გაძლიერებისთვის.

2023 წელს, ლანჩხუთში, გაიხსნა კოლეჯის ახალი ლოკაცია, რითაც გურიის რეგიონი მთლიანად დავფარეთ. ვამაყობთ, რომ ,,ჰორიზონტი“ ერთადერთი პროფესიული საგანმანათლებლო დაწესებულებაა, რომელიც რეგიონის სამივე მუნიციპალიტეტში ოზურგეთში, ჩოხატაურსა და ლანჩხუთში წარმატებით ფუნქციონირებს.